O novo líder do Partido Comunista portugués (PCP), de 46 anos, sucede a Jerónimo de Sousa. É así, o secretario-xeral máis novo desde Bento Gonçalves, que morreu en 1942, aos 40 anos, mentres estaba prendido no Tarrafal polo seu combate contra a ditadura. A votación marca o final de 18 anos de Jerónimo á cabeza do PCP.
Paulo Raimundo foi elixido secretario xeral do PCP por unanimidade, a dirección comunista. O anuncio foi feito por Margarida Botelho, do Secretariado do Comité Central comunista: "O Comité Central elegeu Paulo Raimundo como secretário-geral do PCP. A proposta foi aprovada por unanimidade. O camarada Paulo Raimundo entendeu não votar."
Raimundo, de 46 anos, é o cuarto secretario-xeral do PCP en democracia, sucedendo a Jerónimo de Sousa, que abandonou o cargo por razóns de saúde.
O novo secretario-xeral do partido é un de cinco dirixentes que pertence en simultáneo ao Comité Central, Comisión Política e Secretariado. É descrito polo PCP como un obreiro.
“Por um Portugal com futuro”
Na web do PCP afírmase, a respecto do novo scretario xeral, que Paulo Raimundo “associa qualidades humanas próprias a uma experiência densa e diversificada, um trabalho político em múltiplas áreas de organização e intervenção com responsabilidades pelo trabalho da juventude e da JCP, integração e direcção de organizações regionais, tarefas nas áreas sindical, de acompanhamento de sectores e empresas e dos serviços públicos, entre muitas outras".
Subliña, alías, "um percurso de vida dedicado à defesa dos interesses dos trabalhadores e do povo português, por um Portugal com futuro, pelo ideal e projecto comunistas”.
