Nunha mensaxe ao diario The New York Times, Wylie puxo de manifesto que "non hai boas noticias, Salman perderá probabelmente un ollo e ten cortados os nervios dun brazo, e o fígado tamén foi apuñalado e está danado". Explicou que sobrevive con respiración asistida.
Pouco antes destas declaracións, a Policía do Estado de Nova York revelou que o escritor fora ingresado no Hospital Eire, en Pensilvania, onde Rushdie "seguía no quirófano" seis horas despois do ataque, o que dá idea da gravidade do seu estado.
O agresor, que foi detido, é un mozo de 24 anos, Hadi Matar, e residente en Nova Jersey. Polo momento, aínda non revelou os motivos do seu ataque, que se produciu ás 11 da mañá (hora local) cando Rushdie ía a participar nunha conferencia sobre as cidades refuxio.
Desde 1989 pendía sobre o escritor indio unha condena á morte, cando o aiatolá Jomeini do Irán pronunciou unha fatua para condenar a publicación do seu libro Versos Satánicos, considerado blasfemo polas súas críticas ao islam.
O Goberno dos Estados Unidos cualificou de reprensíbel o ataque contra o escritor. "O país e o mundo foron testemuñas hoxe dun ataque reprensíbel contra o escritor Salman Rushdie. Este acto de violencia é horroroso. Todos nós na Administración Biden-Harris rezamos para que se recupere pronto", indicou nun comunicado o asesor de seguridade nacional da Casa Branca, Jake Sullivan.
A agresión provocou unha vaga de solidariedade con Rushdie. A asociación de escritoras e escritores PEN Internacional, da cal o escritor indio fora presidente, publicou un comunicado en rexeitamento ao ataque e no que desexa unha pronta recuperación a Rushdie.
“PEN International utterly condemns the brutal attack on Salman Rushdie. Salman is an esteemed and celebrated author and beloved member of the PEN community" - Burhan Sonmez, PEN International President. Read the statement: https://t.co/1NKsfJV99Z #SalmanRushdie pic.twitter.com/wMbvnPLBEf
— PEN International (@pen_int) August 12, 2022![Publicidade 196259]()
