O Goberno de Venezuela condenou hoxe que o presidente de Güiana, Irfaan Ali, “de maneira irresponsábel dera luz verde” a presenza do Comando Sur, unha das divisións das Forzas Armadas estadounidenses, no Esequibo, despois de que o mandatario güianés comunicara que se puxo en contacto coa división, os Estados Unidos, Reino Unido, Francia, o Brasil e a Organización das Nacións Unidas para preservar o seu control do territorio reclamado por Venezuela.
A vicepresidenta venezolana, Delcy Rodríguez, indicou que Ali “sabe que non ten outra opción que a negociación directa” para avanzar na resolución da situación.
O lexislativo de Venezuela comezou hoxe o debate sobre a proposta entregada polo presidente Nicolás Maduro, en base aos resultados do referendo do pasado domingo que avalaron a reclamación territorial, que crearía o Estado da Guyana Esequiba.
Tamén ordenou comezar a conceder licencias para explorar e explotar reservas de petróleo e gas, así como recursos mineiros, no Esequibo, amais da creación dunha nova sección do Exército para o territorio en disputa.
