Fina Casalderrey: "A dificultade non está na incompetencia intelectual da infancia, senón na nosa preguiza para nos facer entender"

Fina Casalderrey pertence á xeración de ensinantes-escritoras que comezaron a impartir aulas nos últimos tempos da ditadura e que loitaron polas mudanzas no ensino, no tratamento da lingua galega e na propia sociedade. Un dos xeitos de pular por aqueles cambios era escribir literatura infantil e xuvenil (LIX). Cando ela comezou a publicar, nos 90, a LIX xa avanzara moito. E desde entón non deixou de facelo. A AELG vén de recoñecer a súa traxectoria, con máis de 60 títulos publicados, nomeándoa Escritora na súa Terra.