mércores 08/12/21

O Barómetro 2020 do Craega confirma que hai máis consumidores de produtos ecoloxicos que non consumidores

O Consello Regulador da Agricultura Ecolóxica da Galiza (Craega) presentou o seu Bárometro 2020 de consumo no que se constata, por primeira vez, unha maior importancia do seu selo no mercado.
Presentación do Barómetro do Craega (Craega)
Presentación do Barómetro do Craega (Foto: Craega)

O Barómetro 2020 sobre percepción e consumo de alimentos ecolóxicos, presentado hoxe en Monforte de Lemos polo Consello Regulador da Agricultura Ecolóxica da Galiza (Craega), confirmou a tendencia dos últimos anos e certificou, por primeira vez, que a porcentaxe de consumidores deste tipo de produtos supera á de non consumidores.

A mostra realizouse no último trimestre do pasado ano a través dunha enquisa telefónica a un total de 900 persoas. 

O presidente do Craega, Francisco López Valladares, sinalou que o lugar máis común de compra segue a ser o supermercado e a maior parte das persoas consultadas recoñecen algún tipo de certificación vencellado á alimentación eco, "non obstante, só unha pequena parte é quen de identificar concretamente o selo do Craega" polo que "nese aspecto temos que traballar máis”.

Neste eido, comentou que "cada vez se exixen máis selos para os produtos, e isto supón que o consumidor non saiba que está comprando" e deberíase "acortar en certificacións". 

O conselleiro do Medio Rural, José González, salientou na presentación a importancia "do selo ecolóxico" que liga "a orixe natural dos produtos, polo que é relevante ter en conta esta orixe, a base territorial".

Tamén resaltou que Galiza lidera as denominacións de orixe, "mais temos que seguir traballando", e nesta liña incidiu en que en breve actualizarán a Lei de Calidade Alimentaria

A información galega está na túa man!

Subscríbete ao noso boletín de novas.

Date de alta de balde e recibirás unha selección dos nosos artigos para saberes o que acontece.

Por último, o presidente da Axencia Galega de Calidade Alimentaria (Agacal), José Luis Cabarcos, indicou o selo de Craega é estratéxico para as e os produtores "que están defendendo este modo de traballar  enfocado ao extensivo" e concluíu lembrando "que hai que medrar nos cultivos extensivos e fomentar a biodiversidade".

O Barómetro 2020 do Craega confirma que hai máis consumidores de produtos ecoloxicos...
comentarios