Maximus, a mascota do equipo de baloncesto Río Breogán, clasificouse para as semifinais do 'Baile de Mascotas' da Liga Endesa, grazas a un baile inspirado na canción 'Terra' das Tanxugueiras.
A propia liga informou nas súas redes sociais que a mascota lucense impuxérase no seu cruce de cuartos de final a Dino, do Hereda San Pablo Burgos.
Maximus recibiu 65,5% dos votos, por 34,5% de Dino. A votación, ao igual que o resto da competición, tivo lugar nas contas de Twitter e Instagram da Liga Endesa.
Nos oitavos de final, a mascota do Río Breogán xa lle gañou a Garras, da Minicopa Endesa. Agora espera rival nas semifinais,nas que Maximus loitará por pasar á final e poder revalidar o título que compartiu en 2019 con Pam, a mascota do Valencia Basket.
Reacción nas redes sociais
A mascota recibiu o apoio e cariño dunha gran parte dos seareiros do Ró Breogán e dos amantes do baloncesto galego.
As prospias Tanxugueiras mostraron ese apoio a Maximus. En Twitter, o popular trío comentou "Máximus, querémoste!", ao que este respondeu "sodes top,Tanxugueiras! Non podo parar de bailar con 'Terra'!".
Despois desta interacción, foron varias as peticións á dirección do Río Breogán para que leven a actuar as Tanxugueiras ao Pazo, nun concerto connxunto con Maximus.
