Con ilustracións de Jacobo Fernández, O raposo e a mestra significa o regreso de Manuel Rivas á literatura infantil despois de que en 2009 publicara O sombreiro Chichiriteiro (Xerais), ilustrado por Patricia Castelao, a deseñadora que pon imaxes agora ao libro de Ricki Martin.
En O raposo e a mestra Rivas homenaxea ao Olimpo Celta despois do grande incendio que o asolou este verán e tamén ás mestras, protagonistas da primeira formación en coñecementos e afectos. Regresa Rivas á literatura infantil e faino co seu Manuel O´Rivas, nome que levaba tamén tempo sen aparecer.
Manuel Rivas presentará o seu novo libro no Culturgal o próximo 30 de novembro, acompañado de Cé Orquestra Fantasma. Na feira das industrias culturais que se celebra cada ano en Pontevedra o escritor presentara tamén na edición do pasado ano o seu máis recente libro, As voces baixas.
O monte Pindo dálle nome ao raposo protagonista do libro, un animal que coñece as distintas falas e que ten o poder de hipnotizar cos seus ollos. Ilustrado como un cómic, segundo o editor Manuel Bragado trátase dun libro “algareiro para cantar e contar”.