Trasladan unha persoa ao hospital por inhalación de fume na Coruña

Unha persoa foi trasladada ao hospital por inhalación de fume na Coruña, segundo informou o 112 a primeira hora desta quinta feira. A propia implicada contactou coa central de emerxencias dez minutos antes da medianoite e explicou que estivera queimando carbón nunha das estancias da súa vivenda, o que lle provocou mareos. Desde o 112 solicitouse a colaboración de profesionais sanitarios do 061 e da Policía Local da Coruña. Finalmente, o persoal médico encargouse de evacuar esta persoa ao centro médico de referencia para ser atendida.