A Secretaría das Mulleres do SLG cumpre os 20 anos de encontros

Esta fin de semana terá lugar o XVIII Encontro Anual da Secretaría das Mulleres do Sindicato Labrego Galego (SLG). Trátase dunha edición especial, xa que se cumpren 20 anos de encontros desde o primeiro encontro decorrido en Allariz (comarca de Allariz-Maceda) no ano 2004. Nesta ocasión, terá lugar no Espazo Vilaseco, en Chantada (comarca homónima). "Para nós os encontros anuais da Secretaría das Mulleres son moi importantes", explica María Ferreiro, a súa responsábel dende o ano 2012. "Xuntámonos para analizar, debater, dar e obter información e sacar liñas de traballo, mais tamén para compartir e colectivizar. Este ano case un centro de labregas de todo o país, mais tamén doutras xeografías, traballaremos e celebraremos este aniversario tan especial. Son xa 20 anos de encontros, 20 anos da man", engadiu a representante do SLG.Ademais, o sindicato presentará o documental Labregas, espazos de venda, realizado para dar a coñecer a realidade das mulleres labregas que fan venda directa na Praza de Abastos de Compostela, e a publicación A fala da terra. Labregas, que se trata dunha compilación de testemuñas de mulleres labregas.