Redacción
28/nov./23 - 15:45
Actualizado: 28/nov./23 - 15:53
Falece un condutor en Tomiño tras saír da vía e caer por un terraplén
Un condutor perdeu a vida na localidade de Tomiño (comarca do Baixo Miño) tras saír da vía e caer por un terraplén mentres circulaba por unha pista forestal da parroquia de Vilachán. Tal como informou o 112 Galiza, foi un particular o que alertou os xestores de emerxencia. A partir de aí, desde o Centro Integrado de Atención ás Emerxencias deuse aviso a Urxencias Sanitarias, aos bombeiros do Baixo Miño, aos membros do GES da Guarda, á Garda Civil e á Policía Local, ademais da Protección Civil de Tomiño. A pesar de que os servizos de emerxencias traballaron durante varios minutos para tratar de liberar o condutor, finalmente o persoal sanitario só puido confirmar o falecemento desta persoa.