Definido o cadro da Copa da Raíña de Balonmán para O Porriño e Guardés

Sorte dispar para os dous representantes da Galiza no sorteo da fase final da XVL Copa da Raíña de Balonmán, que se desenvolverá integramente no Illumbe Arena de Donostia do 10 ao 12 de maio do presente ano 2024. O peor parado foi o Mecalia Atlético Guardés, que colidirá en primeira rolda co anfitrión e vixente campión do torneo, Súper Amara Bera Bera nun horario aínda por definir. De conseguir dar a sorpresa, as arraianas medirían forzas nas semifinais co gañador do choque entre Atticgo Elxe e Costa do Sol Málaga. Pola súa parte, o Conservas Orbe Rubensa Balonmán O Porriño xogará ante un rival algo máis accesíbel, Caixa Rural Aula de Valladolid, sabendo que se logra o triunfo debería disputar  o pase á finalísima con KH-7 Granoller ou Elda Prestixio.