Bruxelas aposta polo endebedamento nos mercados para financiar a Defensa da UE

O comisario europeo de Economía, Paolo Gentiloni, apoiou esta sexta feira financiar a Defensa da Unión Europea (UE) a través dun sistema de emisión de débeda similar ao que xa se utiliza no plan de recuperación e resiliencia (máis coñecido como os fondos Next Generation), que obtén fondos a través de préstamos no mercado financeiro. Así o sinalou en declaracións aos medios á súa chegada á reunión informal de ministros e ministras de Economía da zona euro, o Eurogrupo, que decorreu esta sexta feira en Gante (Bélxica) no marco da Presidencia belga do Consello Europeo. "A experiencia que tivo a Comisión Europea coa pandemia e a recuperación dos préstamos no mercado financeiro, que foi de cero a 100.000 millóns anuais, foi moi positiva", apuntou o comisario europeo de Economía.