Teatro en Compostela: "As paisaxes de Camille" da Asociación Ámbar

Baixo a dirección artística de Helena Salgueiro, o grupo de teatro da Asociación Ámbar, coas actrices Conchita Mouriño, Marina Mondelo, Montse Queiruga, Paula Ramallo, Ángeles Devesa, Mercedes Río, Noelia Argibay e Carmen Pérez, representará esta peza escénica contemporánea que explora a contención, a rabia, a delicadeza e a sororidade, atravesando a imaxinaría escultórica e a vida de Camille Claudel con poemas paisaxísticos, coreografías e humor onírico.

A Asociación Ámbar é unha entidade sen ánimo de lucro de ámbito local da comarca da Barbanza que traballa pola independencia, autonomía e igualdade de oportunidades das persoas con diversidade funcional.