Roteiro 'Cortexo cívico de Pontedeume'

Actividade aberta, no día de hoxe, para celebrar as letras galegas, neste caso con un roteiro de dúas horas polos lugares dos creadores e creadoras de Pontedeume nun cortexo cívico organizado polo Concello de Pontedeume, Ateneo Ferrán Martis e o Colectivo Terra. Con saída dos xardíns da Praza da Angustia, participarán o escritor Antonio Fraga, as Cantareiras de San Pantaleón, o guía e actor Suso Martínez, a artista plástica Mónica Alonso, a cantora lírica Ana Belén Manteiga, a escritora Oriana Méndez, a actriz Cristina Iglesias (imaxe), a historiadora Pilar Cagiao, o escritor Xesús Fraga e o escritor e editor Fran Alonso. Abre o cortexo a banda de música Charamela.