Novo fracaso de Salvamento marítimo para rescatar o 'Blue Star'
24 de novembro de 2019 (10:25 h.)
O quimiqueiro continúa na costa de Ares á espera dun novo intento que terá lugar ás 14 horas.
O barco quimiqueiro Blue Star, con bandeira de Malta, continúa embarrancado na costa de Ares logo de fracasar un novo intento esta madrugada de Salvamento Marítimo en colaboración coa Marina Mercante e Capitanía Marítima para rescatalo. Fontes oficiais indicaron que este domingo haberá outro intento cara as 14 horas.
O buque embarrancou na noite desta sexta a sábado na costa de Ares. En concreto, entre as praias de Barrosa e A Canteira, na zona de Punta Miranda. Segundo Salvamento Marítimo, a tripulación do buque está en bo estado e a bordo. O barco foi construído en 2011 e ten 128 metros de eslora e 19,5 de manga.
O barco dedícase a transporte de produtos químicos e petroleiros se ben no momento de embarrancar non levaba carga a bordo.