Na mañá desta terza feira apareceu na praia da Calzoa, en Vigo, unha lápida de pedra co ano 2018 inscrito nela. Algo que levantou a curiosidade de parte da veciñanza do lugar.
Para alén da propia lápida, veciñas e veciños próximas ao lugar achegáronse para depositar flores e velas ao pé da propia lápida.
Aparentemente, a lápida xunto coas flores e velas simbolizan a morte da praia, mais, cal é o motivo?
En 2018, ano que aparece inscrito na lápida, a Calzoa foi declarada como 'praia canina', polo que cans poden entrar libremente ao areal da mesma.
Isto foi algo que se fixo en contra dos argumentos de grupos de conservación e expertos do ámbito académico, segundo informou a este xornal a bióloga Ana Prado Comesaña.
Risco para os ecosistemas
De feito, até a Unión Europea (UE) recoñeceu o risco que isto supuña para os ecosistemas e especias protexidas por directivas europeas. Até colectivos de animalistas cualificaron a decisión como "chapuza".
Colectivos de investigadores xa se referiran a esta decisión en agosto deste ano, alertando de que os cans poden ser moi prexudiciais e os principais causantes do deterioro do areal da praia.
Máis de 3.000 firmas, 50 asociacións e colectivos e 15 miembros da comunidade científica reclaman a protección deste enclave.