A Policía investiga un caso de violencia machista na Coruña, con agresión á muller por parte da súa parella e que acabou co home apuñalado por parte desta, segundo informaron fontes próximas ao caso.
Os feitos producíronse o día de Noiteboa, en torno ao mediodía, no barrio coruñés do Agra do Orzán e cunha primeira intervención da policía local, aínda que agora das actuacións fíxose cargo a policía nacional.
"Foi unha agresión mutua entre unha parella", explicaron as fontes próximas ao caso que sinalaron que primeiro ela foi golpeada polo home e esta, despois, empregaría unha arma branca, un coitelo, para defenderse, provocando a lesión do home.
Actuacións correspondentes
Agora, por parte do corpo de policía fixéronse cargo das actuacións correspondentes tras a intervención inicial no domicilio de axentes da policía local.