Declarado un incendio en Rante, San Cibrao das Viñas, con varios focos próximos a vivendas
Declarado un incendio en Rante (Ourense), unha zona residencial con varios focos próximos ás vivendas. O lume comezou sobre as 14.30 horas e parece ter a súa orixe nunha das marxes da autovía A-52.
A alcaldesa de San Cibrao, Marta Novoa, consultada por Europa Press, explicou que hai varios focos: un deles controlado, outro en proceso e o último "desbocado".
Aínda que polo momento "non hai risco para a poboación nin para o polígono de Barreiros" -situado nas proximidades -, o lume está "á beira das vivendas, chegando mesmo até os peches".
Os veciños da zona están colaborando como voluntarios cos equipos de extinción. En agosto do ano pasado esta parroquia de San Cibrao das viñas xa padecera un incendio.
🔥 El fuego acecha el Polígono Barreiros.
— Gonzalo Pérez Jácome -Alcalde de Ourense- (@gonzalojacome) August 16, 2025
🔌 Podrían cortar la luz en zonas de Orense ciudad para que los aviones echen agua en zonas con líneas de alta tensión o por prevención por chispas o riesgo de caída de àrboles.
En barrios da cidade de Ourense, como Valenzá e O Couto, nesta tarde sofren cortes de luz de novo, como sucedeu a inicios desta semana. O lume ameaza o polígono de Barreiros. O alcalde de Ourense, Pérez Jácome,a dvirte que se podería cortar a luz nalgunhas zonas da cidade para que os avións boten auga en zonas con liñas de alta tensión".
