Cal é a cidade galega onde as mulleres viven máis anos? E onde menos os homes?
A esperanza de vida ao nacer na Galiza era de 83,3 anos de idade en 2022. Unha esperanza de vida, porén, que non é a mesma en homes e mulleres e tampouco entre as principais cidades da Galiza.
Cal é a cidade galega onde máis anos viven as mulleres? E os homes? E cal é aquela urbe da Galiza onde elas teñen menos anos de esperanza de vida? E eles?. Estas son algunhas das cuestións que teñen resposta na ‘’Esperanza de vida segundo o sexo para os grandes concellos’ que publica o IGE, Instituto galego de Estatística.
Entre as mulleres, Compostela á das sete cidades aquela onde viven máis anos, 86,10, se ben é lixeiramente inferior á esperanza de vida que elas tiñan na capital galega en 2012, cando era de 86,10.
Entre os homes é Lugo a cidade galega onde eles viven máis anos, case 80: 79,9, algo máis que en 20212 (79,55).
Entre as mulleres galegas, as outras cidades con maior esperanza de vida son A Coruña (86,02), Lugo (85,7) e Ourense (85,6). En Vigo a media até a que viven as viguesas é de 85,4. En Pontevedra a esperanza de vida sitúase para elas en 84,8; e na que menos anos viven é Ferrol, con 82,8: cinco anos menos que en Compostela.
En Homes, após Lugo, é Compostela onde teñen maior esperanza de vida (79,6 anos), seguida de Vigo (79,2) e A Coruña (79,02)e Pontevedra, xa por baixo dos 79 anos e con 78,98.
As cidades galegas onde teñen menos anos de esperanza de vida os galegos son Ourense (78,3) e Ferrol, con 78,13.
