(En ampliación)
O Grupo Parlamentario Popular na Cámara galega seguirá con Alberto Pazos Couñago como portavoz e a tamén secretaria xeral do PP galego e deputada, Paula Prado, como viceportavoz primeira. A dirección do grupo completarana, como viceportavoces segunda e terceira, Cristina Sanz e María Martínez Allegue.
Dentro do prazo previsto polo regulamento do Parlamento de Galicia, após a constitución da XII Lexislatura a pasada segunda feira, os populares rexistran esta sexta feira o documento a través do que se conforma o grupo parlamentario e que ratifica Pazos Couñago como portavoz.
O redondelano Alberto Pazos foi a opción elixida polo partido que lidera Alfonso Rueda para encabezar a dirección do grupo após a marcha de Pedro Pui ao Congreso dos Deputados.
Na dirección segue tamén o número dous do partido, mentres que os populares optan por renovar as viceportavocías segunda e terceira, que na última etapa ocuparon Raquel Arias e Marisol Díaz.