Para moverse no verán

O DS N°8 combina a arte de viaxar ao estilo francés cos beneficios da mobilidade eléctrica. Inspirado no concepto DS Aero Sport Lounge, este SUV cupé encarna unha nova visión do deseño galo. Cunha silueta fluída e poderosa (4,82 m de longo, 1,90 m de ancho, 1,58 m de alto e 2,90 m entre eixos), este modelo ofrece gran presenza na estrada e un habitáculo espazoso. A súa grella LuminaSreen, xunto cos faros Píxel LED Vision 3.0 e as luces verticais LightBlade, achegan unha firma luminosa distintiva. Cada detalle da carrozaría foi pensado para optimizar a aerodinámica, logrando un coeficiente Cx de 0,24. En canto a motores, ofrece tres opcións 100% eléctricas: —FWD de 230 cv con batería de 73,7 kWh (até 550 km WLTP). —FWD Long Range de 245 cv e batería de 97,2 kWh (até 750 km). —AWD Long Range de 350 cv e tracción total (até 688 km). Estas versións inclúen un aumento puntual de potencia, alcanzando até 375 cv. A aceleración vai de 0 a 100 km/h en 5,4 segundos na versión AWD. A carga rápida admite 160 kw, recuperando 200 km en 10 minutos, e dun 20 ao 80% en 27 minutos. Burgman 400 A Suzuki Burgman 400 renóvase cunha nova gama de cores: Verde Perla Mate, Azul Metalizado Reflectora e Negro Mate Metalizado, todos combinados con lamias douradas. Entre as súas principais calidades destacan a comodidade de condución, un motor eficiente, e unha gran capacidade de carga baixo o asento, con espazo para un casco integral e outro jet (ata 42 litros). Tamén dispón de dúas guanteiras dianteiras e unha toma de corrente para cargar dispositivos electrónicos. Incorpora un motor monocilíndrico de 400 cc, 4 tempos, con inxección electrónica, refrixeración líquida e tecnoloxía Dual Spark con dobre buxía. Ten un depósito de 13,5 litros e unha autonomía duns 320 km. O prezo promocional é de 7.949 euros; inclúe garantía de 8 anos. Verán ao aire libre Toyota fai doado planear unhas merecidas vacacións coas súas campers (Proace Verso Camper e Proace City Verso MiniCamper) deseñadas para gozar en cada escapada. Estes vehículos teñen múltiples opcións de personalización. Ambas as gamas están equipadas con elementos chave para a vida camper: camas, neveira de 40 litros, módulo de cociña, ducha portátil... A Verso Camper ofrece dúas motorizacións (2.0D de 145 cv e 180 cv), transmisións manual ou automática, dous tamaños de carrozaría (L1 e L2) e 4 acabados. A City Verso MiniCamper inclúe motorización 1.5D de 130 cv, transmisión manual, carrozaría longa (L2) e tres acabados. Tamén hai accesorios adicionais como toma de 220 V, cadeiras encartábeis, estrutura de cama desmontábel, toldo e portabicis. Os prezos parten desde 34.427 euros na Verso Camper e 37.446 euros na City Verso MiniCamper.