![Tractor durante a recollida de trigo na parroquia de Calvo, en Abadín (A Terra Chá). [Foto: Carlos Castro / Europa Press]](/asset/thumbnail,1280,720,center,center/media/nosdiario/images/2024/02/02/2024020218581277833.jpg)
aguío.- Gran moído que se engade á auga ou á comida da facenda.
Lugar de escoita.- O Courel.
Fonte.- Dun vocabulario courelao.
barazola.- Corda de carro pequena.
Lugar de escoita.- O Courel.
Fonte.- Dun vocabulario courelao.
biorto.- (Ademais de significados xa rexistrados) Corda feita coa palla do palleiro logo de rematado este.
Lugar de escoita.- Carbeiral- Bardaos (San Sadurniño).
Fonte.- Avelino Sanjurjo Beceiro (X. Ortiguera).
Outros apuntamentos.- Empregábase desta maneira: Un home rispaba na palla do palleiro e outra persoa, que polo xeral era un cativo, retorcía dende a punta e tiraba para fóra o suficiente como para que pasara de lado a lado do palleiro polo curuto.
guinza.- (Ademais de significados xa rexistrados) Forquita.
Exemplo.- “Cargou o estrume coa guinza.”
Lugar de escoita.- Nigrán (Pontevedra).
Fonte.- Albino Soto Figueroa.
Outros apuntamentos.- Adoita pronunciarse con gheada.
sortella.- (Ademais de significados xa rexistrados) Parte por onde dobra a navalla.
Lugar de escoita.- O Courel.
Fonte.- Dun vocabulario courelao.
