escourar.- Aturuxar.
Exemplo.- “O Manolo é o que mellor escoura de todo o grupo.”
Lugar de escoita.- Boal (Asturies).
Fonte.- Daniel GV..
manda parexo.- Expresión de admiración cara a alguén.
Exemplo.- “Manda parexo con ela, que ben o fixo.”
Lugar de escoita.- Sargadelos (Cervo).
Fonte.- Isabel Echevarría Fernández (avoa de Roi Martínez Enríquez).
Outros apuntamentos.- Enviada por Juncal Martínez, do IES Leiras Pulpeiro de Lugo.
meterse nunha debullada.- Meterse nun problema, nunha lea.
Lugar de escoita.- Sabucedo (A Estrada).
Fonte.- Manuel Cabada Castro.
Outros apuntamentos.- Comenta o informante que un irmán seu lle transmitiu que llo ten escoitado á súa nai.
partir un coco.- Expresión de sorpresa ao non lembrar algo.
Exemplo.- “Que me parta un coco se me acordaba!”
Lugar de escoita.- Sabucedo (A Estrada).
Fonte.- Manuel Cabada Castro.
rosarear.- Reñer, discutir, rallantear. Tamén a unha reña se lle di un rosario. Por unha pequena cousa xa monta un rosario, ou rosarea.
Lugar de escoita.- Lier (Sarria).
Fonte.- María Xosé López Castro.