borrallada.- (Ademais de significados xa rexistrados) Morrallada. Cousa desprezábel ou de pouco valor.
Lugar de escoita.- Taboada (Silleda).
Fonte.- Jesús López Domínguez.
estar no chete.- Estar algo bo, no seu punto xusto, perfecto.
Exemplo.- “Vén probar as cereixas, están no chete.”
Lugar de escoita.- Gundivós (Sober).
Fonte.- María Trigo.
Outros apuntamentos.- Enviada por Ramón Sandoval. Comenta que a súa informante llas escoitou a Xerardo de Naván.
ghaldromo.- Limo, limoallo do peixe. Porcallada, cousa que non vale.
Lugar de escoita.- Muxía.
Fonte.- Proxecto Buserana de Muxía.
malcote.- Rapaz novo.
Lugar de escoita.- O Courel.
Fonte.- Dun vocabulario courelao.
miriañada.- Cousa de pouco valor, chilindrada.
Lugar de escoita.- Taboada (Silleda).
Fonte.- Jesús López Domínguez.
