Rañaceos, iates, restaurantes e discotecas: Trump difunde un vídeo que recrea unha Gaza poslimpeza étnica
Despois do rexeitamento xeneralizado á súa proposta de ocupar Gaza e perpetrar unha limpeza étnica para convertela nun activo inmobiliario, que incluíu á inmensa maioría dos seus aliados e que levou os países da rexión a aprestarse a deseñar un plan de reconstrución que non implique a expulsión da poboación palestina da Faixa, o presidente dos Estados Unidos, Donald Trump, publicou a cuarta feira nas súas redes sociais un vídeo creado por intelixencia artificial no que especula con como sería o enclave tras o que está considerado un crime contra a humanidade.
Entre rañaceos e unha estatua dourada do propio Trump, cos seus característicos hoteis, o mandatario aparece nunha discoteca ou tombado en traxe de baño nunha hamaca á beira dunha piscina canda Benjamin Netanyahu, primeiro ministro do Goberno de ultradereita israelí.
"Toute la folie, le narcissisme et le cynisme de Trump s’illustrent dans cette vidéo postée par le Président des États Unis sur Truth Social…"
— 📣Ella Kelian (@EllaKelian) February 26, 2025
Un délire morbide sur #Gaza, où l’humanité a été rayée de la carte pour laisser place à une société de déliquescence vénérant l’argent… pic.twitter.com/FDRYodEilo
Musk, de vacacións
Tamén está o membro do seu equipo Elon Musk, comendo e rodeado de billetes en actitude festiva. No vídeo multiplícanse os restaurantes, tendas e negocios de praia.
Xa na Gaza real, devastada por 15 meses de xenocidio israelí acompañado por bombardeos indiscriminados contra a poboación civil, a organización palestina Hamás fixo público que alcanzou un acordo para desbloquear a situación após negarse os sionistas a cumprir cos termos do alto o fogo e non liberar o pasado sábado 620 palestinos no intercambio desa xornada.
Último intercambio da primeira fase do alto o fogo
Nese sentido, detallou que sairán das prisións israelís ao ser entregados os corpos dos últimos catro detidos sionistas, o que se prevé a quinta feira, que forman parte desta fase da tregua, e a cambio serán liberadas mulleres e crianzas palestinas.
