Irán sofre un corte "case total" da conexión a Internet no marco do conflito con Israel e Estados Unidos
Irán sofre este sábado, un 28 de febreiro, un corte "case total" da conexión a Internet en plena ofensiva sorpresa por parte de Estados Unidos e Israel, lanzada en metade das negociacións indirectas entre Teherán e Washington para tentar alcanzar un novo acordo sobre o programa nuclear iraniano.
"Os datos de rede mostra que Irán está no medio dun corte case total de Internet, coa conectividade nacional ao 4% respecto aos niveis habituais", indicou NetBlocks, un organismo dedicado a seguir a situación da internet a nivel mundial.
Ademais, apuntou que "este incidente ten lugar no medio de operacións de combate estadounidenses e israelís e coincide coas medidas empregadas durante a guerra do ano pasado con Israel", horas despois de indicar que a conectividade caera ao 54% respecto a os niveis normais.
O conflito
O presidente dos Estados Unidos, Donald Trump, anunciou este sábado o comezo de "unha grande operación de combate", coa colaboración de Israel, contra as principais institucións do Irán para "protexer o pobo estadounidense a través da eliminación da ameaza que representa o réxime iraniano" e, en último termo, derrocar as autoridades do país e desactivar as súas forzas de seguridade.
Con todo, Irán xa confirmou ataques con mísiles contra Isarel e bases estadounidenses en Bahréin, Qatar, Kuwait e Emiratos Árabes Unidos. Nun comunicado publicado por medios iranianos, a Garda Revolucionaria anunciou "a primeira onda de extensos ataques con mísiles e drons" contra Israel "en resposta á agresión do inimigo hostil e criminal contra a República Islámica de Irán". Ademais, o ministro de Exteriores do Irán, Abbas Araqchi, solicitou á comunidade internacional e ás Nacións Unidas unha firme condena da agresión dos Estados Unidos e Israel e pediulles tomar medidas contra ela.
