O presidente do xigante enerxético alxerino Sonatrach, Tewfik declarou á axencia oficial do seu país que ao único cliente ao que non confirma un mantemento de prezos na actual crise internacional é a Estado español
“Desde o comezo da crise en Ucraína, os prezos do gas e do petróleo disparáronse. Alxeria decidiu manter uns prezos contractuais relativamente correctos para todos os seus clientes. Con todo, non se descarta proceder a un ' recálculo' de prezos co noso cliente español", dixo Tewfik Hakkar nunha entrevista coa axencia oficial APS.
A crise diplomática co principal provedor de gas do Estado español coincide co dereito contractual da empresa alxerina nestas datas de revisar os prezos no contrato español para o período 2022-2024.
Segundo está establecido no seu contrato con Naturgy, a principal empresa gasista española que iniciara xa conversacións respecto diso o pasado outubro nunha negociación que se prolonga desde entón.
Sonatrach xa tiña o incentivo de revisión á alza pola subida de prezos no mercado internacional, pero a sinalización ao Estado español agora en exclusiva apunta a razóns políticas e que a cuestión do Sáhara endurece a súa posición para esa revisión á alza
Sonatrach
O máximo executivo de Sonatrach ensina músculo e recalca tamén que pode aumentar a subministración a clientes e que poderá facelo moito máis no futuro.
Nesa dirección, asegura que ten dispoñíbeis "actualmente temos uns cuantos miles de millóns de metros cúbicos", aínda que admite que non son suficientes para "substituír ao gas ruso" en Europa.
Na mesma liña engade, que "co ritmo das nosas exploracións, as nosas capacidades duplicaranse en catro anos, o que apunta a perspectivas prometedoras cos nosos clientes europeos”.
