Concentracións en varias cidades galegas en solidariedade co mozo detido en Ames

Compostela, Ourense, Vigo e Lugo acolleron esta tarde concentracións en apoio do mozo independentista detido en Ames. A máis numerosa foi a da capital onde se concentraron arredor de 150 persoas.

Concentración en solidariedade con Senlheiro, mozo detido en Ames

Redacción

Actualizado: 10/01/13 | 10:17

As cidades galegas de Compostela (Praza Cervantes ou do Pan), Ourense (Praza do Ferro), Vigo (diante do Marco) e Lugo (Praza Maior) celebraron hoxe concentracións en solidariedade pola detención a pasada terza feira de H.M. "Senlheiro", acusado polas forzas policiais de suposta pertenza ao grupo Resistencia Galega e tenencia de material explosivo. Con anterioridade o colectivo anti-represivo Ceivar realizou varias asembleas informativas nos centros sociais Arredista de Compostela e Revolta de Vigo.

As concentracións foron convocadas cun chamamento "á solidariedade activa". Segundo informan desde este colectivo o mozo detido xa se atoparía en Madrid e podería pasar a disposición xudicial a vindeira quinta feira para prestar declaración perante a Audiencia Nacional.