Xosé de Cea: "As razóns son fundamentais na loita contra Altri, pero a subxectividade é o combustíbel do motor"

A Coruña acolleu onte a  presentación do novo libro de Xosé de Cea, O que estou a dicir cando digo "Altri non" (Laiovento), nun acto organizado pola Agrupación Cultural Alexandre Bóveda. O autor trata no ensaio a problemática do proxecto de celulosa de Altri na Ulloa desde unha perspectiva emocional e subxectiva, acundindo ás súas memorias para reflexionar sobre o que supón este proxecto para o territorio.