Que artistas asinan a carta contra o "uso depredador" da IA? "Hai que parar o asalto á creatividade humana"

Máis de 200 artistas, entre os que destacan Stevie Wonder, Bon Jovi, Katy Perry, Billie Eilish, Imagine Dragons, Nicki Minaj, Sam Smith, Zayn Malik Lola Índigo ou a galega Luz Casal, asinaron un manifesto contra o uso "irresponsábel e depredador" da Intelixencia artificial (IA) na música.

"Hai que deter este asalto á creatividade humana. Debemos protexernos contra o uso depredador da IA para roubar a voz e a imaxe das artistas profesionais, violar os dereitos dos creadores e destruír o ecosistema musical", sinalaron na carta presentada en redes sociais pola organización Artist Rights Alliance.

As asinantes piden a que se encarga de desenvolver ferramentas de IA que deixen de utilizar a tecnoloxía "para infrinxir e devalar os dereitos das artistas humanas" e apuntan que a IA "fai sabotaxe" a creatividade e "socava" ás compositoras.

"Cando se utiliza de forma irresponsábel, a IA expón enormes ameazas á nosa capacidade de protexer a nosa privacidade, as nosas identidades, a nosa música e a nosa vida. Algunhas das empresas máis grandes e poderosas están a utilizar, sen permiso, o noso traballo de artistas humanas con cantidades masivas de sons e imaxes creadas por IA que dilúen substancialmente os fondos de dereitos que se pagan ás artistas", aseguraron as artistas.

As asinantes advirten que se a intelixencia artificial non se controla, porase en marcha unha carreira "á baixa" que degradará o valor dos seus traballos. "Impediranos recibir unha compensación xusta por el", engadiron.

"Facemos un chamamento a todas as persoas e empresas que realizan a IA para que se comprometan a non desenvolver nin despregar tecnoloxía, contidos ou ferramentas de xeración de música por IA que socaven ou substitúan a arte humana das compositoras e artistas ou nos negue unha compensación xusta polo noso traballo", recalcaron.