xoves 28/10/21
Segunda edición do festival na área da Coruña

Punk, narración oral, swing, monólogos, folk: Elas Son Artistas

Elas Son Artistas, Festival Metropolitano de múisica e artes pola igualdade, atinxe a súa segunda edición. Entre o 24 de maio e o 2 de xuño a área metropolitana da Coruña será escenario de 20 propostas culturais “nas que as mulleres creadoras son artistas”.
 

elas son artistas
Presentación da segunda edición do festival Elas Son Artistas no Teatro Colón da Coruña. Foto; cedida.

Organizado por tres empresas -Produtriz, Yoltown e Dezdedez- co apoio da Deputación da Coruña e os concellos correspondentes, o Elas Son Artistas “procura un público de mente aberta, que se achegue a diversas artes e diversos espazos, mesmo a diversos estilos dentro da música”, o xénero en que hai máis propostas.

A Coruña, Arteixo, Bergond, Cambre, Oleiros e Sada son os concellos que acolleran os actos. A variedade é a bandeira: punk, narración oral, obradoiro de escritura terapéutica, performance, monólogos, folk galego, swing. Igual de variada será a procedencia das participantes: Galiza, Estados Unidos, Portugal, Catalunya, México, Andalucía.

Amparanoia e a súa música mestiza será a encargada de pór o ramo ao festival o 2 de xuño no Teatro Colón da Coruña. Pero o programa -as entradas xa están á venda en Ticketea- irá así:

Venres 24 - Inauguración na Sala Mardi Gras coas lisboetas Anarchicks


Sábado 25 - Cambre 12:30 Blues do País // 18:00 Bergondo: Rosa Cedrón // 20:00 Oleiros Mabel Flores  // 22:30 Sala Mardi Gras Estrogenuinas


Luns 27 - Obradoiro de escritura terapéutica e creativa (Andrea Pazos) // 21:00 Niñas de la Risa e Izquierdo Sisters

Martes 28 - Carmen Conde presenta Tabú ( Forum Metropolitano de A Coruña)


Mércores 29  Xornada profesional A Cultura é un dereito. Pazo de Mariñán // 21:00 Quinteto Invento (músia clásica) en Sala Mardi Gras


Xoves 30 - 19:30 Performance pintura e escritura no Concello da Coruña ao aire libre // 22:00 e 23:00 Jazz Filloa: Ejazz (jazz vocal)


Vernes 31 - Arteixo: 20:00 Marina Gundin & The Misters (swing) // 22:30  Sala Garufa Club: The Lucilles (Soul - México /Madrid)


Sábado 1 - Sada: 19:00 Marem Ladson e Lúa Mosquetera // 22:30 Stacei Collins na Sala Mardi Gras


Domingo 2 - 21:00 Amparanoia (Teatro Colón)

comentarios