Pepe Formoso, hostaleiro: "Marea Viva é a habitación do Bela Fisterra tematizada polo artista que se aloxa e crea nela"

Pepe Formoso (Cee, 1967) xestiona o Hotel Literario Bela Fisterra, onde se celebran numerosos eventos vencellados coa literatura, a música e a creación contemporánea. As habitacións do hotel están tematizadas segundo grandes clásicos da literatura universal vinculados ao mar, e ademais unha delas, a número 16, leva por nome Marea Viva. Esta última está dedicada a artistas actuais que visitan o hotel, inspíranse neste espazo para crear obras orixinais, deixando a súa pegada nel.