David Regueiro abre o seu 'gypsy jazz' a outras influencias musicais

David Regueiro está especializado en gypsy jazz, pero o seu universo musical non se detén aí. Despois de O camiño, un disco no que experimentaba con estruturas da música tradicional galega levada aos patróns do jazz, publica agora Perfect Match!, un disco de jazz manouche no que se deixan ver outras influencias que enriquecen o xénero e que abren as portas a novos camiños musicais.