Encontros na certeira granxa

Nestes meses de confinamento, entre outras cousas, volvinme un pouco seriéfilo; e todo grazas á miña filla. Varias tempadas de Peppa Pig, d’A ovella Shaun, de Simon, Masha e o oso, O pequeno reino de Ben e Holly, Puffin Rock ou Pocoyó. Certamente series bastante entretidas e unha boa proba de lume para coñecer os meus límites para aturar cancións infantís nos miolos durante todo o día e, co tempo, até cantaruxalas.