A Xustiza española reactiva as exhumacións no Val de Cuelgamuros logo de suspendelas
22 de decembro de 2023 (16:30 h.)
Poucos días despois de suspender de forma provisoria os traballos de exhumación de vítimas da ditadura franquista no Val de Cuelgamuros, na Comunidade de Madrid, a Audiencia Nacional española deu marcha atrás hoxe á medida ao constatar que unha denuncia pola vulneración da liberdade relixiosa da familia dunha persoa sepultada, impulsada por unha asociación ultracatólica de extrema dereita, non tiña fundamento.