Unha avería mantén parado en Padrón máis de hora e media un tren da liña Vigo-Coruña

Unha avaría mantivo parado sobre a vía ás portas do municipio de Padrón (comarca do Sar) un tren da liña de media distancia entre Vigo e A Coruña. O tren tomou a saída da estación de Vigo pero quedou paralizado por "unha incidencia técnica puntual" na zona de Padrón durante 95 minutos, segundo informaron fontes do operador ferroviario. Transcorrida máis de hora e media, o tren puido retomar a marcha e circulou cun atraso acumulado de 110 minutos.