A OMS alerta: 10.000 crianzas poderían morrer este ano no Sudán pola guerra civil

A Organización Mundial da Saúde, un organismo da Organización das Nacións Unidas, advertiu hoxe que até 10.000 crianzas poderían falecer en 2023 no territorio sudanés por mor da guerra civil que comezou o 15 de abril, e que enfronta as Forzas Armadas do Sudán cos paramilitares das Forzas de Apoio Rápido. Nese sentido, reclamou “medidas urxentes” para axudar 7,1 millóns de persoas desprazadas internas, a cifra máis alta do planeta.