LAT

Unha liña de alta tensión (LAT) de 220 kv e perto de 30 quilómetros de lonxitude que atravesará sete concellos de tres comarcas diferentes. Este é un dos proxectos para desenvolver na Galiza para o que presentou a súa solicitude a empresa Desarrollos Renovables Iberia Gamma SL, filial no Estado español de Statkraft, sociedade estatal norueguesa que é a maior produtora de enerxía renovábel en Europa e que quer construír tres parques eólicos na Galiza oriental. 

A popular Susana Vázquez é alcaldesa de Porqueira, concello de pouco máis de 800 habitantes na comarca da Limia. Pronunciouse publicamente contra a liña de alta tensión (LAT) proxectada pola empresa enerxética Greenalia e que, partindo do parque eólico a facer en Calvos de Randín, vai atravesar  oito municipios. Terá  unha extensión, segundo  Stop Eólicos Xurés Celanova, de 50 km.

Unha liña de alta tensión (LAT) desde os Ancares até A Mariña de 50 quilómetros de lonxitude e pola que se evacuará a enerxía producida nos diferentes parques a instalar na comarca ancaresa. Este é un dos impactos do novo proxecto eólico para a zona que contempla Greenalia e que está a denunciar veciñanza de concellos como As Nogais ou Becerreá.