Poesía | 'O que se volve raíz'

Presentación do novo libro de poemas de Eva Veiga, Editorial Elefante, na que a autora estará acompañada por Malores Villanueva, Antón Sobral, Bernardo Martínez e Fito Rares, nun acto organizado polo Ateneo de Pontevedra.

O que se volve raíz é un poemario que devén da escoita atenta e da perplexidade ante unha linguaxe que non pode dicir e, non obstante, é a greta póstuma para acceder ao que, de todos modos, ha de quedar tremendo, indicible, baixo a pel das palabras. Un libro que vida e morte constrúen en concerto, desconcertándose. Non pretende outra unidade que a do fío que imanta os fragmentos da acordanza e da inmanencia do instante.