Poesía | 'As flores do baleiro'

Presentación do novo libro de poemas de Medos Romero, editado en Galaxia, que estará acompañada por Ana Varela. 

As flores do baleiro é un pranto contido diante dunha inmensa traxedia humana, un testemuño poético e persoal desde o ventre da pandemia, a dor en extrema soidade. Tamén é a fraxilidade do ser humano, o seu egoísmo e a súa necidade, e a barbarie na súa dimensión máis salvaxe, onde somos máscaras desta traxicomedia debuxando cicatrices que espantan.