Danza | 'Instinto desexo'

Instinto desexo é o primeiro traballo en solitario de Bal Castro, un proxecto de corte autobiográfico no que fala da capitalización do seu corpo e do seu erotismo, da utilización da súa imaxe como principal medio para conseguir ser validado, sendo o sexo a súa moeda de cambio. No espectáculo achégasenos unha proposta que reflexiona sobre a proxección da súa imaxe nos outros, proxección que pode suscitar un desexo dependendo da persoa que a mire. Ese desexo convértese no motor que o move cara ao seu último obxectivo: a procura insaciable de amor. Bal Castro é actor e bailarín formado en interpretación xestual e danza contemporánea  que participa en proxectos nacionais e internacionais con distintas compañías.