Os casos activos da Covid-19 superaron esta terza feira a barreira dos 70.000 por mor da explosión de contaxios derivada da variante Ómicron. Porén, dadas as características desta mutación do coronavirus e da alta inmunización da poboación, cada vez son máis as voces que se pronuncian a prol de abordar esta doenza como outra calquera e suprimir todas as restricións, como a obrigatoriedade da máscara en espazos interiores ou as limitacións de capacidade.
