A tripulación do pesqueiro de Burela Nuevo San Juan foi rescatada na mañá deste domingo polo Nuevo Confurco tras producirse un incendio que reduciu a cinzas o buque mentres faenaba no Gran Sol, á procura de pescada.
Os 15 tripulantes que ían a bordo do pesqueiro foron recuperados das balsas salvavidas en perfecto estado.
Al alba pesquero Nuevo San Juan informa a nuestro centro #Finisterre incendio a bordo en zona SAR británica.
— SALVAMENTO MARÍTIMO (@salvamentogob) July 2, 2023
Nuestro centro #Madrid informa a su homólogo MRCC UK que desvía varios buques a zona.
Pesquero Nuevo Confurco confirma + tarde: Los 15 tripulantes a bordo, en buen estado. pic.twitter.com/0BOoBI6nAL
Salvamento Marítimo confirmou que recibiu un aviso do Nuevo San Juan no seu centro de Fisterra por un incendio a bordo en zona SAR británica.
Con esta información, Salvamento informou o seu homólogo no Reino Unido, que desviou a varios buques á zona.
Polo momento descoñécense as causas do incendio, que se esclarecerán unha vez a tripulación chegue a terra. Nestes momentos, diríxense a porto irlandés de Castletownbere, a onde chegarán en menos de 24 horas.
O Nuevo San Juan, de 31 metros de eslora e 8 de manga, partiu cara o Gran Sol desde Burela o pasado 21 de xuño.
O Nuevo Confurco, con base no porto de Vigo, dirixíase cara a costa irlandesa cando recibiu o aviso do servizo de gardacostas do Reino Unido.