Un home faleceu este sábado no concello de Melón (comarca do Ribeiro) tras sufrir unha picadura de avespa.
O 112-Galiza recibiu a alerta sobre as 10.30 horas da mañá deste sábado, cando o 061 pediu colaboración por unha picadura de avespa no lugar do Coruxal, en Melón.
Até a zona desprazáronse efectivos de Garda Civil e voluntarios de Protección Civil de Melón, que colaboraron na aterraxe do helicóptero medicalizado do 061 con base en Ourense.
Con todo, após chegar ao lugar dos acontecementos o persoal sanitario só puido certificar o falecemento do home.
