Sogama, unha fábrica de cambio climático
Adega afirma que Sogama aumenta a emisión de gases de invernadoiro embora tratar menos resíduos.
As emisións por Sogama de gases de efecto invernadoiro (GEIs). CO2, metano e óxidos de nitróxeno aumentan en 2015 con respeito a 2009 a pesares de que tratar menos residuos. Denúnciao Adega, que sinala que as emisións de GEIs por tonelada "tratada" aumentaron o ano pasado para o conxunto dos residuos un 47,7% en 2015, malia a que se trataron 85.000 toneladas menos que en 2009. E desagregando a incineración do vertido, “obtemos que para o queimado, a intensidade de xeración de gases aumentou outro 35% en 2015; e para o vertedoiro subíu nada menos que un 120%, malia a enviárense 172.000 toneladas menos á Areosa en 2015 que en 2009”.
A asociación ambientalista pregúntase como é posíbel que “vertendo e queimando menos residuos (polo efecto da crise), Sogama estea a ser máis intensiva na emisión de gases de efeito invernadoiro, situándose entre as primeiras "fábricas de cambio climático" de Galiza?”
Coas cifras de Sogama na man, indica Adega, pódese dicir que o tratamento "modelo" do que presume a conselleira “é terceiro-mundista en cifras de reciclaxe, intensivo na emisión de gases de efecto invernadoiro e fortemente ineficiente (ademais de caro e lesivo para os intereses públicos)”.