Nas vésperas do Aninovo, as familias usuarias da rede de escolas infantís A Galiña Azul, xestionadas polo Consorcio Galego de Servizos de Igualdade e Benestar da Consellería de Política Social, recibiron un agasallo do seu centro: unha retrato do seu fillo ou filla que un fotógrafo profesional tomara previamente, do que xa tiñan noticia.
A sorpresa, para moitas nais e pais, chegou ao abrir o sobre co regalo da Consellaría. Ademais da fotografía atoparon unha carta asinada polo presidente da Xunta de Galiza, Alberto Núñez Feixoo. Unha felicitación sen precedentes que cualifican de “escandalosa” e propia “dun réxime totalitario” por aproveitar “a imaxe dos nenos e nenas para facer propaganda e promover a súa propia figura”.
Na súa carta, Feixoo escribe como pai e como presidente do Goberno galego. “Como pai, son consciente da importancia que ten a confianza das familias nos centros de educación infantil de 0 a 3 anos (...). Como presidente da Xunta, quero que saibades que estou á vosa enteira disposición para que me trasladedes calquera aspecto no que poidamos seguir mellorando”.
A información íntegra pode consultala na edición en papel de Nós Diario ou na súa lectura na nube.
