A Comisión de xestión da crise sanitaria COVID-19 creada pola Xunta da Galiza conclúe que "os 57.760 test rápidos enviados onte polo Ministerio non teñen utilidade clínica para poder poder facer un cribado en residencias e profesionais sanitarios", após unha reunión que mantiveron esta terza feira.
O doutor José M. Vázquez Lima, membro do comité de crise, explica que "non son útiles desde o punto de vista clínico", porque non permiten "distinguir se se trata dunha fase aguda", e polo tanto "se pode haber contaxio, ou se xa se está nunha fase de curación".
Vázquez Lima explica que esta eiva detectada polos profesionais do comité faría necesaria realizar unha proba complementaria de PCR aos test enviados polo Ministerio para facer un cribado nas residencias de maiores e ás profesionais sanitarias.
Neste sentido, este médio memrbo do Comité explica que "os test do Ministerio só detectan se se producen anticorpos pero, nesa análise global, non permiten saber se se trata dunha fase aguda do COVID-19 ou se aínda permanecen en sangue porque xa hai curación".
Por outra banda, Vázquez Lima aclarou que agora se está avaliando a posibilidade de destinar estes test á realización dun estudo epidemiolóxico para obter información sobre a exposición da poboación ao coronavirus.
