Piden nove anos de prisión para un mozo acusado de violar unha menor nunha residencia de estudantes

A Fiscalía pide nove anos de cárcere para un mozo acusado de agresión sexual a unha menor de idade, uns feitos que, segundo o escrito de cualificación fiscal, producíronse nunha residencia de estudantes.

A vista fixouse para esta terza feira na Audiencia da Coruña, onde se acordou que fose a porta fechada para preservar o dereito á intimidade da vítima.

No seu escrito de cualificación, o Ministerio Público pide que se impoña ao acusado, que naceu no 2001 -a vítima en 2003- a prohibición de aproximarse á menor, ao seu domicilio e lugar de traballo a unha distancia non inferior a 300 metros e a de comunicarse con ela por calquera medio, por un tempo de 10 anos.

Solicita tamén que o acusado indemnice con 40.000 euros a moza polas secuelas e os danos morais causados, argumenta a Fiscalía.

Os feitos

Os feitos tiveron lugar nunha residencia de estudantes da provincia da Coruña durante o curso 2019-2020 na habitación do acusado contra a vontade da menor, que foi inmobilizada até que se consumou a agresión sexual, segundo o escrito de cualificación.