Unha persoa falece e dúas resultan feridas nunha colisión entre dous coches en Oza-Cesuras
Segundo informou o 112, o choque foi entre dous turismos, de forma lateral e a única vítima mortal tivo que ser liberada.
Unha persoa faleceu e outras dúas resultaron feridas nunha colisión no municipio coruñés de Oza-Cesuras (As Mariñas), na AC-230. Segundo informou o 112, o choque foi entre dous turismos, de forma lateral e a única vítima mortal tivo que ser liberada. Ao lugar dos feitos desprazáronse Urxencias Sanitarias da Galiza-061, o corpo de Bombeiros de Betanzos, o GES de Curtis, a Garda Civil de Tráfico e mantemento de estradas.
