Orzamentos participativos: Modesta participación na incipiente ‘democracia directa’
Os orzamentos participativos son a promesa dunha democracia directa que aínda está moi lonxe de se cumprir. As responsábeis de experiencias máis vellas e doutras máis novas piden convicción e paciencia para levar adiante programas que tardan en mostrar resultados palpábeis e esixen un esforzo orzamentario que, no caso dun pequeno concello como San Sadurniño, se ven afogadas polos recortes no financiamento do Estado. Mentres, perfeccionan métodos e buscan espazos, dentro e fóra da rede, para animar unha veciñanza aínda remisa. Recollemos unha reportaxe ao respeito no Sermos Galiza 267.
En Compostela, as veciñas e veciños que en 2016 tomaron parte no proceso de decisión sobre unha pequena partida do orzamento municipal pediron un tractor para limpar estradas e camiños nas barriadas rurais. A compra do tractor está na fase de licitación. A semana pasada completáronse os encontros veciñais nas catro zonas en que se dividiu o proceso. Esta semana conclúe o prazo de votacións das propostas de 2017. A maioría demandan arranxos de rúas, fontes, mobiliario urbano, máis zonas verdes… O Concello puxo a disposición da veciñanza 1,5 millóns para investimentos.
[Podes ler a reportaxe íntegra no número 267 de Sermos Galiza, á venda na loxa e nos quiosques habituais]